Lotayamm

search
မာတိကာ

contents

သတင်းများ

အမျိုးသားလွှတ်တော် ဒုတိယဥက္ကဋ္ဌ ဦးအေးသာအောင်နှင့်အဖွဲ့ အကြမ်းဖက်သမားများ၏ တိုက်ခိုက်ခံ ရမှုကြောင့် သေဆုံးသွားသည့် လုံခြုံရေးတပ်ဖွဲ့ဝင်များနှင့် ဒေသခံများ၏ မိသားစုဝင်များအား ထောက်ပံ့ငွေ နှင့် ဆန်များပေးအပ်

နေ့ရက်:
Sep 13, 2017


အမျိုးအစား :
နိုင်ငံရေး
yangonmedia
ထိုသို့ ARSA ၏ အကြမ်းဖက်တိုက်ခိုက်မှုကြောင့် လုံခြုံရေးတပ်ဖွဲ့ဝင်များ၊ နိုင်ငံ့ဝန်ထမ်းများ၊ ရခိုင်တိုင်းရင်းသားများနှင့် အစ္စလာမ်ဘာသာဝင်များအပြင် ဟိန္ဒူဘာသာဝင်များ၊ ဒိုင်းနက်လူမျိုးများ၊ မြိုလူမျိုးများ အပါအဝင် အပြစ်မဲ့ပြည်သူများ အသက်ဆုံးရှုံးခြင်းနှင့် ထိခိုက်ဒဏ်ရာရရှိမှုများ ဖြစ်ခဲ့ရပြီး ဒေသခံ တိုင်းရင်းသားပြည်သူများသည် နေရာဒေသအများအပြားသို့ ထွက်ပြေးတိမ်းရှောင်ခဲ့ကြရသည်။
အမျိုးသားလွှတ်တော် ဒုတိယဥက္ကဋ္ဌ ဦးအေးသာအောင်နှင့်အဖွဲ့သည် ရခိုင်ပြည်နယ်ဝန်ကြီးချုပ် ဦးညီပု၊ လူမှုရေးဝန်ကြီးဒေါက်တာချမ်းသာတို့နှင့်အတူ ယနေ့နံနက်ပိုင်းတွင် စစ်တွေမြို့မှ မောင်တောမြို့ သို့ရောက်ရှိပြီး ARSA အစွန်း ရောက် အကြမ်းဖက်သမားများ၏ တိုက်ခိုက်ခံရမှုကြောင့် သေဆုံးသွားသည့် လုံခြုံရေးတပ်ဖွဲ့ဝင်များနှင့် ဒေသခံများ၏ မိသားစုဝင်များနှင့် တွေ့ဆုံကာ ထောက်ပံ့ငွေနှင့် ဆန်များ ပေးအပ်သည်။
ရှေးဦးစွာ အမျိုးသားလွှတ်တော်ဒုတိယဥက္ကဋ္ဌနှင့်အဖွဲ့သည် မောင်တောခရိုင်အထွေထွေအုပ်ချုပ် ရေးမှူးရုံး၌ ဌာနဆိုင်ရာတာဝန်ရှိသူများ၊ ဒေသခံပြည်သူများ၊ အကြမ်းဖက်တိုက်ခိုက်မှုကြောင့် သေဆုံးသွား သည့် မိသားစုဝင်များနှင့် တွေ့ဆုံပြီး ထောက်ပံ့ငွေများပေးအပ်ကာ အားပေးစကားပြောကြားသည်။
ဆက်လက်ပြီး မောင်တောမြို့နယ် ကျီးကန်ပြင် အမှတ်(၁)နယ်ခြားစောင့်ရဲတပ်ဖွဲ့ကွပ်ကဲမှု ဌာနချုပ်သို့ ရောက်ရှိပြီး ARSA အစွန်းရောက် အကြမ်းဖက်သမားများ၏ တိုက်ခိုက်ခံရမှုကြောင့် အသက်စွန့်လွှတ်ခဲ့ရသည့် လုံခြုံရေးရဲတပ်ဖွဲ့ဝင် ၁၁ ဦးနှင့် လဝက ဝန်ထမ်း ၁ဦး စုစုပေါင်း ၁၂ ဦးတို့အတွက် တစ်ဦးလျှင် တစ်သိန်းခွဲနှုန်းဖြင့် စုစုပေါင်းထောက်ပံ့ငွေကျပ် ၁၈ သိန်း၊ လုံခြုံရေးတပ်ဖွဲ့ဝင်များနှင့် မိသားစုဝင်များအတွက် ငွေကျပ် သိန်း ၂၀ တန်ဖိုးရှိထောက်ပံ့ပစ္စည်းများ၊ အသက်စွန့်လွှတ်ခဲ့ရသည့်စစ်သည် ၂ ဦးနှင့်ပျောက်ဆုံးစစ်သည် ၁ ဦးတို့အတွက် တစ်ဦးလျှင် တစ်သိန်းခွဲနှုန်းဖြင့် စုစုပေါင်းထောက်ပံ့ငွေကျပ် ၄၅၀၀၀၀ ၊ နယ်မြေ လုံခြုံရေးဆောင်ရွက်နေကြသည့် တပ်မတော်သားများ အတွက် ငွေ ကျပ်သိန်း ၂၀ တန်ဖိုးရှိ ထောက်ပံ့ပစ္စည်းများကို အသီးသီးထောက်ပံ့ ပေးအပ်ခဲ့သည်။
ယင်းနောက် အမျိုးသားလွှတ်တော် ဒုတိယဥက္ကဋ္ဌနှင့် အဖွဲ့သည် မောင်တောဒေသ မြောက်ပိုင်းရှိ တိုင်းရင်းသားကျေးရွာများဖြစ်သည့် အောင်ဇေယျ၊ အောင်မင်္ဂလာ၊ အောင်သာယာ၊ ဖားဝပ်ချောင်း၊ လောင်းဒုံကျေးရွာများသို့ ရောက်ရှိပြီး နေရပ် စွန့်ခွာခြင်းမပြုပဲကျန်ရှိနေသည့် မိသားစုဝင်များအတွက် ဆန်အိတ်များ ထောက်ပံ့ပေးအပ်ခဲ့သည်။
သတင်းထုတ်ပြန်ရေးကော်မတီ