Lotayamm

search
မာတိကာ

contents

သတင်းများ

ဧပြီလ ၁၆ ရက်နေ့အတွက် ရာသီခွင်အလိုက်ဗေဒင်ဟောစာတမ်း

နေ့ရက်:
Apr 16, 2018


အမျိုးအစား :
ဗေဒင်
Lotayamm

           လိုတရပရိသတ်ကြီးအတွက် မိဿ၊ ပြိဿ ၊ မေထုန်၊ ကရကဋ် စသည့် ရာသီခွင်အလိုက် ဗေဒင်ဟောစာတမ်းတွေကို နေ့စဉ်ဖော်ပြပေးနေပါတယ်။ အခုလည်း ဧပြီလ ၁၆ ရက်နေ့အတွက် ရာသီခွင်အလိုက် ဆောင်ရန်၊ ရှောင်ရန်၊ ယတြာလေးတွေကို ဖော်ပြပေးလိုက်တာမို့ တိုက်ဆိုင်စစ်ဆေးကြည့်ရအောင်ပါလားနော်။



မိဿရာသီ(Aries) - မတ်(၂၁)မှ ဧပြီ(၂၀) အတွင်းမွေးဖွားသူများ

           လုပ်ငန်းခွင်အတွင်း လက်အောက်ငယ်သားများ၏ အကူအညီဖြင့် လုပ်ငန်းကိစ္စရပ်များ အဆင်ပြေ ချောမွေ့ပါလိမ့်မယ်။ စိုက်ပျိုးမွေးမြူရေးလုပ်ငန်း လုပ်ကိုင်သူများ အထူးကောင်းမွန်တဲ့ နေ့ရက်လည်း ဖြစ်ပါတယ်။ အချစ်ရေးမှာတော့ မထင်မှတ်ပဲ အိမ်ထောင်ကျကိန်းရှိနေပါတယ်။ ကျန်းမာရေးအနေနဲ့ ၀မ်းဗိုက်ပိုင်း ဒုက္ခပေးတတ်ပါတယ်။ စီးပွားရေးလုပ်ငန်းတိုးချဲ့မှုနဲ့ ပတ်သက်ပြီးတရပ်တကျေးကို ပြောင်းရွှေ့လုပ်ကိုင်ရကိန်း ရှိပါတယ်။ ၀န်ထမ်းဖြစ်ပါက ရာထူးတိုး၊ နေရာပြောင်းလုပ်ကိုင်ရတတ်ပါတယ်။  ပြည်ပနိုင်ငံသို့သွားရောက် အလုပ်လုပ်သူများအနေနဲ့ အနည်းငယ်အညံ့ရှိနေလို့ သတိပြုသင့်ပါတယ်။



ယတြာ - အိမ်ရှိဘုရားတွင် နွားနို့ကပ်လှူပေးပါ။



ပြိဿရာသီ(Taurus) - ဧပြီ(၂၁)မှ မေ(၂၁) အတွင်းမွေးဖွားသူများ

               ဒီနေ့မှာ လုပ်ငန်းတော်တော်များများကို ဦးဆောင်လုပ်ကိုင်နေရမှာဖြစ်ပြီး အောင်မြင်မှုလည်း ရရှိမှာဖြစ်ပါတယ်။ အရေးကြီး ဆုံးဖြတ်ချက်များ ချမှတ်ရန် လိုအပ်ပါက မိမိထက် အသက်ကြီးရင့်သူများနှင့် တိုင်ပင်လုပ်ဆောင်ပါ။ အိမ်တွင်းရေး၊ မိသားစု အရှုပ်အရှင်းများကြောင့် ရန်ဖြစ်စကားများရတတ်ပြီး အိမ်ပေါ်ကနေ ဆင်းရတဲ့အထိလည်း စိတ်ညစ်စရာ ကြုံရတတ်ပါတယ်။ အိမ်၊ နေရာထိုင်ခင်းအပြောင်းအရွှေ့ရှိနေပြီး အိမ်၊ ခြံမြေအသစ်ဝင်ကိန်းလည်း ရှိနေပါတယ်။ အချစ်ရေးမှာ ချစ်သူမရှိသေးသူများ ချစ်သူတွေ့လာနိုင်တဲ့ အချိန်ပါပဲ။ ကူညီတတ်သော စိတ်ရင်းအပေါ် အခွင့်ကောင်းယူသူများ တွေ့ကြုံရတတ်ပါတယ်။ ပညာရေးနဲ့ ပတ်သက်ပြီး နိုင်ငံရပ်ခြား ပညာတော်သင်သွားရကိန်းရှိပါတယ်။ ကျန်းမာရေးအနေနဲ့ ခေါင်းမူး၊ ခေါင်းကိုက် ဖြစ်ပွားတတ်ပါတယ်။



ယတြာ - အိမ်ရှိဘုရားတွင် ပျားလ်ိမ္မော်သီး ကပ်လှူပေးပါ။





မေထုန်ရာသီ(Gemini) - မေ(၂၂)မှ ဇွန်(၂၁) အတွင်းမွေးဖွားသူများ

              ကျန်းမာရေးအနေနဲ့ နှလုံးအားနည်းတဲ့ရောဂါ ဖြစ်ပွားတတ်ပြီး အသက်အရွယ်ကြီးရင့်သူများအနေဖြင့် မျက်စိ၊ ဒူးနှင့် ၀မ်းဗိုက်ပိုင်းဆိုင်ရာ ရောဂါများကြောင့် ခွဲစိတ်မှု ခံယူရတတ်ပါတယ်။ အိမ်ရှိမိသားစုဝင်များလည်း ကျန်းမာရေးချို့တဲ့ချိန်ဖြစ်လို့ သတိပြုပေးသင့်ပါတယ်။ အချစ်ရေးမှာ စန်းပွင့်နေပြီး ချစ်ခင်သူများ ၀ိုင်းဝိုင်းလည်နေပါလိမ့်မယ်။ ဒါပေမယ့် တစ်ဘ၀လုံး လက်တွဲရမယ့် လက်တွဲဖော်နဲ့ တွေ့ဆုံနိုင်မှုကတော့ အားနည်းနေပါသေးတယ်။ အလုပ်နေရာအပြောင်းအရွှေ့များနေမယ့် ကာလဖြစ်ပြီးပြောင်းတဲ့နေရာတိုင်းကလည်း အဆင်မပြေဖြစ်နေပါလိမ့်မယ်။ မိသားစုတွင်း အမွေကိစ္စ စကားများရတတ်ပြီး အိုးသစ်အိမ်သစ် ၀င်တတ်ပါတယ်။



ယတြာ - ဘုရားတွင် စပျစ်သီးကပ်လှူပေးပါ။



ကရကဋ်ရာသီ(Cancer) - ဇွန်(၂၂)မှ ဇူလိုင်(၂၂) အတွင်းမွေးဖွားသူများ



          လက်ရှိအလုပ်ကနေ ပြောင်းချင်စိတ်ဖြစ်နေပါလိမ့်မယ်။  အလုပ်သစ်ကနေ ကမ်းလှမ်းလာတာမျိုးလည်း ကြုံရတတ်ပြီး လုပ်ငန်းဟောင်းကို စွန့်ပစ်ဖို့ မသင့်သေးတဲ့ ကာလပါပဲ။ အောက်လက်ငယ်သား ဒုက္ခပေးတတ်လို့ သတိပြုသင့်ပါတယ်။ အရောင်းအ၀ယ်လုပ်ငန်း လုပ်ကိုင်သူများ အထူးအောင်မြင်နိုင်ပြီး အစိုးရ၀န်ထမ်းများအနေနဲ့ အလုပ်နေရာ ရွှေ့ပြောင်းရခြင်းမျိုး ရှိနေပါတယ်။ လုပ်ငန်းတွင်း မိမိနှင့် ရာထူးတူများ၏ အနှောင့်အယှက်ပေးမှုကြောင့် အလုပ်ပြောင်းလဲလိုစိတ်တွေလည်း ဖြစ်ပေါ်နေတတ်ပါတယ်။ ကျန်းမာရေးညံ့နေတာကြောင့် အလုပ်မှာ စိတ်မပါတာမျိုးလည်း ဖြစ်တတ်ပါတယ်။ အချစ်ရေး၊ အိမ်ထောင်ရေးကတော့ သာယာနေပါတယ်။



ယတြာ - အိမ်ရှိဘုရားတွင် ပဲထမင်း ကပ်လှူပေးပါ။



သိဟ်ရာသီ(Leo) - ဇူလိုင်(၂၃)မှ သြဂုတ်(၂၃) အတွင်းမွေးဖွားသူများ



             ငွေရေးကြေးရေးနဲ့ ပတ်သက်ပြီး အာမခံပေးခြင်းမျိုးကိုလည်း ရှောင်ရှားသင့်ပါတယ်။ စိတ်လေနေမယ့် ကာလဖြစ်ပြီး အိမ်ရှိမိသားစုနဲ့လည်း အဆင်မပြေဖြစ်တတ်လို့ သတိပြုရပါမယ်။ ကျန်းမာရေးအနေနဲ့ လေနာရောဂါဖြစ်ပွားတတ်ပြီး ပညာရေးပိုင်းမှာလည်း စိတ်လေနေတတ်လို့ ကျရှုံးတတ်ပါတယ်။ ဒီနေ့မှာ စီးပွားရေးကိစ္စရပ်နဲ့ ပတ်သက်ပြီး အခက်အခဲများစွာ ကြုံရမယ့်အချိန်ပါပဲ။  အောင်မြင်မယ်လို့ ယူဆထားတဲ့ လုပ်ငန်းတွေကလည်း အရှုံးတွေနဲ့ ရင်ဆိုင်ရပြီး အလွဲလွဲအချော်ချော် ဖြစ်တတ်ပါတယ်။ အချစ်ရေး ၊ အိမ်ထောင်ရေးအနေနဲ့ တစ်ပါးသူနှောင့်ယှက်မှုကြောင့် ဝေးကွာရတတ်ပါတယ်။



ယတြာ - နွမ်းပါးသူများအား အ၀တ်အစားအဟောင်းများ ပေးလှူလိုက်ပါ။



ကန်ရာသီ(Virgo) - သြဂုတ်(၂၄)မှ စက်တင်ဘာ(၂၂) အတွင်းမွေးဖွားသူများ



            အမျိုးသမီးများအနေနဲ့ ခါးထိခိုက်မိတတ်ပြီး ကျန်းမာရေးအတွက် ငွေကုန်ကျေးကျ များနေမယ့် ကာလပါပဲ။ ပျိုရွယ်သူများ အချစ်ရေးကံကောင်းနေပြီး အိမ်ထောင်သည်တွေအနေနဲ့ သားသမီး ရတနာထွန်းကားတတ်ပါတယ်။ ချစ်သူရှိပြီးသူများ မထင်မှတ်ပဲ အိမ်ထောင်ကျတတ်ပြီး မလွတ်လပ်တဲ့သူတွေနဲ့လည်း ပတ်သက်မိတတ်ပါတယ်။ လင်ပြိုင်၊ မယားပြိုင် ကိစ္စရပ်တွေ ပေါ်ပေါက်လာတတ်တဲ့ အချိန်ဖြစ်ပြီး ဒီရက်ပိုင်းမှာ အိမ်ထောင်ရေးနဲ့ ပတ်သက်ပြီး မဆုံးဖြတ်တာက အကောင်းဆုံးပဲ ဖြစ်ပါလိမ့်မယ်။ အမျိုးသားများဆိုလျှင်လည်း မကောင်းသော အမျိုးသမီးများနှင့် ပတ်သက်မိပြီး အိမ်ထောင်ရေး ပျက်စီးတတ်ပါတယ်။ လုပ်ငန်းခွင်အတွင်း ဦးဆောင်ဦးရွက်လုပ်ကိုင်နေရမယ့် အချိန်ဖြစ်ပြီး အောက်လက်ငယ်သားတွေရဲ့ ကူညီမှုနဲ့ လုပ်ငန်း တိုးတက်အောင်မြင်မှု ရရှိနိုင်ပါလိမ့်မယ်။ ပညာရေးအနေနဲ့ သင်တန်းသစ်တွေ တက်ရောက်ရကိန်းရှိနေပါတယ်။



ယတြာ - ဘုရားတွင် ငါးစာကျွေးပေးပါ။



တူရာသီ(Libra) - စက်တင်ဘာ(၂၃)မှ အောက်တိုဘာ(၂၃) အတွင်းမွေးဖွားသူများ



                လုပ်ငန်းကိစ္စတွေ အဆင်ပြေနေမှာဖြစ်ပြီး လူမျိုးခြားနဲ့ ပူးပေါင်းဆောင်ရွက်မှုကနေ အကျိုးများပါလိမ့်မယ်။ အိုးအိမ်အသစ် စတင်တည်ဆောက်ခြင်း၊ ဆိုင်ခန်းသစ်ဆောက်လုပ်ခြင်း၊ အိမ်ခန်း ပြင်ဆင်ရခြင်းမျိုး ပြုလုပ်ရပါလိမ့်မယ်။ ကျန်းမာရေးအနည်းငယ်ညံ့နေပြီး အဆိုးရွားကြီးတော့ မဟုတ်ပါဘူး။ အချစ်ရေးကံ အားနည်းနေပြီး လက်ရှိချစ်သူရှိပြီးသူတွေအနေနဲ့ ချစ်သူနဲ့ ပြတ်စဲ လမ်းခွဲရတတ်ပါတယ်။ အိမ်ထောင်သည်တွေအနေနဲ့လည်း ဘာမဟုတ်တဲ့ ကိစ္စလေးနဲ့ မကြာခဏ ရန်ဖြစ်စကားများနေမယ့် နေ့ရက်ပါပဲ။ လုပ်ငန်းအတွက် အထောက်အကူပြုမယ့် သင်တန်းမျိုးတွေ၊ နိုင်ငံရပ်ခြား သင်တန်းတွေအထိ တက်ရောက်ရကိန်းရှိနေပါတယ်။ ကျန်းမာရေးအနေနဲ့ အစာအိမ် ဒုက္ခပေးတတ်ပါတယ်။



ယတြာ - ခိုစာကျွေးပေးပါ။



ဗြိစ္ဆာရာသီ(Scorpio) - အောက်တိုဘာ(၂၄)မှ နိုဝင်ဘာ(၂၂) အတွင်းမွေးဖွားသူများ



          ချစ်သူမရှိသေးသူတွေ အနေနဲ့ စိတ်တိုင်းကျရမယ့်သူ မတွေ့သေးပဲ ဖြစ်နေမှာပါ။ ကျန်းမာရေးအနေနဲ့ အာရုံကြောရောဂါ ဖြစ်ပွားတတ်ပါတယ်။ ၀န်ထမ်းများအနေနဲ့ နေရာကောင်းရခြင်း၊ ရာထူးတစ်ဆင့် တိုးမြှင့်ခြင်းများ ကြုံရတတ်ပါတယ်။ ပညာရေးမှာလည်း ဆရာသမားကောင်းတွေနဲ့ တွေ့ဆုံရပြီး ထူးချွန်စွာ အောင်မြင်မယ့် နေ့ရက်ပါပဲ။ အိမ်တွင်းရေး အိမ်ထောင်ရေးမှာတော့ အိမ်ထောင်ဖက်နဲ့ စိတ်သဘောထား မတိုက်ဆိုင်မှုတွေရှိတတ်ပါတယ်။ အချစ်ရေးမှာလည်း ရန်တကျက်ကျက်ဖြစ်နေပါလိမ့်မယ်။ သားသမီးတွေအတွက် ပူပန်နေရမယ့် အချိန်လည်း ဖြစ်ပါတယ်။



ယတြာ - ဘုရားတွင် ပန်း၊ ရေချမ်း ကပ်လှူပေးပါ။



ဓနုရာသီ(Sagittarius) - နိုဝင်ဘာ(၂၃)မှ ဒီဇင်ဘာ(၂၁) အတွင်းမွေးဖွားသူများ

            အချစ်ရေးမှာ ချစ်သူမရှိသေးသူများ ချစ်သူရလာနိုင်တဲ့ အချိန်လည်း ဖြစ်ပါတယ်။ လုပ်ငန်းစပ်တူ ရှယ်ယာလုပ်ကိုင်ခြင်းမျိုးကနေ ဆုံးရှုံးမှုဖြစ်တတ်လို့ သတိပြုသင့်ပါတယ်။ ငွေဝင်များနေသလို ထွက်ငွေလည်း များနေတာကြောင့် ငွေစုမရပဲ ရှိတတ်ပါတယ်။ သူတပါး ကိစ္စရပ်တွေမှာ ကြားခံဆောင်ရွက်ပေးတာမျိုးကိုလည်း ရှောင်ကြဉ်သင့်ပါတယ်။ ကျန်းမာရေး၊ ပညာရေးကတော့ ပုံမှန်ပဲ ရှိနေပါတယ်။ ဒီနေ့ရက်မှာ လူချစ်လူခင်ပေါများနေပြီး အပေါင်းအသင်းကောင်းတွေရဲ့ အကူအညီတွေကြောင့်လည်း လုပ်ငန်းကိစ္စရပ်တွေ တိုးတက်မှု ရရှိလာနိုင်ပါတယ်။ မိသားစုအရေးမှာတော့ အနည်းငယ် စိတ်ပူရမှာဖြစ်ပြီး သားသမီးတွေရဲ့ ပညာရေးပိုင်းနဲ့ ပတ်သက်ပြီး စိတ်ညစ်ရတတ်ပါတယ်။



ယတြာ -   ဘုရားတွင် နှင်းဆီအဖြူ ၉ ပွင့် ကပ်လှူပေးပါ။



မကာရရာသီ(Capricorn) - ဒီဇင်ဘာ(၂၂)မှ ဇန်နဝါရီ(၂၀) အတွင်းမွေးဖွားသူများ

           ဒီနေ့မှာ စကားများများပြောဆိုတာမျိုးရှောင်ကြဉ်သင့်ပါတယ်။ ဒီနေ့မှာ နားထောင်သူပြုလုပ်တာက အကျိုးများမယ့် အချိန်ပါပဲ။ လုပ်ငန်းရှင်တွေအနေနဲ့ လုပ်ငန်းတိုးချဲ့မှုပိုင်းမှာ အနှောက်အယှက်ရှိနေပေမယ့် ကျော်လွှားနိုင်ပါလိမ့်မယ်။ အရာရာတိုင်းကို ကိုယ့်စိတ်နဲ့ယှဉ်ပြီး ယုံကြည်မိတဲ့အတွက်လည်း ဒုက္ခဖြစ်တတ်ပါတယ်။ အလုပ်ရှင်ရဲ့ ယုံကြည်ကိုးစားမှု ရရှိနေမယ့် ကာလဖြစ်ပြီး ငွေများလည်း ထီပေါက်သကဲ့သို့ ၀င်နေပါလိမ့်မယ်။ လုပ်ငန်းအသစ်တွေလည်း လုပ်ကိုင်ရကိန်းရှိနေပြီး အစစအရာရာအောင်မြင်ပါလိမ့်မယ်။ ပညာရေး ကောင်းမွန်နေပြီး လုပ်ငန်းအတွက် တိုးတက်မှုရစေမယ့် သင်တန်းမျိုး တက်ရောက်ရပါလိမ့်မယ်။ ကျန်းမာရေးအနေနဲ့ အဆုတ်ရောဂါ ဖြစ်ပွားတတ်ပါတယ်။



ယတြာ - ဘုရားတွင် သစ်သီး ၅မျိုး ကပ်လှူပေးပါ။



ကုမ်ရာသီ (Aquarius) - ဇန်န၀ါရီ (၂၁) မှ ဖေဖော်ဝါရီ (၁၈) အတွင်းမွေးဖွားသူများ



          မိမိမှားယွင်းလုပ်ဆောင်မိသည်များအပေါ် ၀န်ခံခြင်းမရှိသဖြင့် လုပ်ငန်းခွင်အတွင်း အနည်းငယ် ပြဿနာဖြစ်နိုင်တဲ့ ကာလပါပဲ။ ပညာရေး၊ ကျန်းမာရေးကတော့ ပုံမှန်ပဲ ရှိနေပါတယ်။ ဒီနေ့မှာ မိမိရဲ့ လုပ်ဆောင်နိုင်စွမ်းရည်ပေါ်မူတည်ပြီး လုပ်ငန်းဆောင်တာတွေ အားလုံးနီးပါး အဆင်ပြေချောမွေ့ပါလိမ့်မယ်။ ငွေဝင်နေမယ့် ကာလဖြစ်ပြီး ငွေကုန်ပေါက်တွေကလည်း အများအပြားပေါ်ပေါက်နေမှာဖြစ်ပါတယ်။ မဟုတ်မခံပြန်လည်ပြောဆိုမှုကြောင့် လူမုန်းများနိုင်တဲ့ ကာလလည်းဖြစ်ပါတယ်။ အိမ်တွင်းမိသားစုအရေးဦးဆောင်နေသူဖြစ်ပါက ဒီရက်ပိုင်းမှာ မိသားစု၊ မောင်နှမတွေနဲ့ ပတ်သက်ပြီး ဦးဆောင်ဖြေရှင်းရတတ်ပါတယ်။



ယတြာ - ဘုရားတွင် ပေါက်ပေါက်ဆုပ် ကပ်လှူပေးပါ။



မိန်ရာသီ (Pisces) - ဖေဖော်ဝါရီ (၁၉) မှ မတ် (၂၀) အတွင်းမွေးဖွားသူများ



          အချစ်ရေးညံ့နေပြီး အိမ်ထောင်ရေးမှာလည်း အဆင်မပြေ ကွဲကွာတတ်ပါတယ်။ ဒီနေ့ရက်မှာ ဘာပဲလုပ်လုပ် အဆင်မပြေဖြစ်နေမှာကြောင့် ငြိမ်နေတာက အကောင်းဆုံးလို့ပြောရမှာပါ။ လုပ်ငန်းထဲမှာ ငွေတွေမြုပ်နေမှာဖြစ်ပြီး ငွေစုငွေချေး လုပ်ငန်းတွေမှာလည်း ပြဿနာပေါ်တတ်ပါတယ် ။ အစုအဖွဲ့နဲ့ လုပ်ကိုင်ရတာမျိုးကို ရှောင်ကြဉ်ပြီး တစ်ဦးတည်းလုပ်ကိုင်ရတဲ့ လုပ်ငန်းမျိုး ရွေးချယ်လုပ်ကိုင်သင့်ပါတယ်။ လုပ်ငန်းတွေအများအပြားတိုးချဲ့ထားပေမယ့် အရှုံးပြပြီး ကြွေးတင်တာမျိုးလည်း ကြုံရတတ်တဲ့နေ့ရက်ပါပဲ။ အိမ်ခြံမြေ ငွေရေးကြေးရေး ကြားခံအာမခံပေးမှုကြောင့် အမှုအခင်းဖြစ်တတ်ပါတယ်။ ကျန်းမာရေးအနေနဲ့ ဒူးနာ၊ ခါးနာရောဂါ ဖြစ်ပွားတတ်ပါတယ်။



ယတြာ - လမ်းတွင်တွေ့သော အလှူခံသူတစ်ဦးအား ငွေကြေးလှူဒါန်းလိုက်ပါ။



 



LEO


နေ့စဉ် အသစ်အသစ်သော သတင်းများ ကို သိရှိနိုင်ရန် လိုတရ Application အား ဤနေရာတွင် နှိပ်၍ အခမဲ့ Download ရယူပါ။