contents

သတင်းများ

ကျသင့်တန်ဖိုး အကြိမ်ကြိမ် ပြောင်းလဲတင်ပြခဲ့aသာ မြစ်သာတမံစီ မံကိန်းကို လွှတ်တော် ကိုယ်စားလှယ်အချို့ ငြင်းပယ်သော်လည်း ၁၁ မဲအသာဖြင့် အဆိုအတည်ပြု

နေ့ရက်:
Sep 12, 2018


အမျိုးအစား :
စီးပွားရေးသတင်းများ
yangonmedia
စက်တင်ဘာ ၁၁ ရက်နေ့ ပြည်ထောင်စုလွှတ်တော် အစည်းအဝေးတွင် ၂ဝ၁၈-၂ဝ၁၉ ဘဏ္ဍာနှစ် အမျိုးသားစီမံကိန်းဥပဒေကြမ်းနှင့်စပ်လျဉ်းပြီး လွှတ်တော်ကိုယ်စားလှယ်များ၏ ဆွေးနွေးခြင်းများအပေါ် ပြည်ထောင်စုအဆင့်အစိုးရအဖွဲ့အစည်းဝင်များက ပြန်လည်ရှင်းလင်းဆွေး နွေးခြင်းအစီအစဉ်တွင် ဂန့်ဂေါမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်နှင့် ပုလဲမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်တို့က ကန့်ကွက်ခဲ့ခြင်း ဖြစ်သည်။
''ဒီစီမံကိန်းဟာ စီမံကိန်းတန်ဖိုးက မူလကျပ် ၅၅ ဘီလီယံ၊ နောက် ကျပ် ၁၂၇ ဘီလီယံ၊ နောက် ကျပ် ၂၇၁ ဘီလီယံ၊ အခု ကျပ် ၃ဝ၄ ဘီလီယံထိ စီမံကိန်းကျသင့် တန်ဖိုးကို အကြိမ်များစွာ ပမာဏကြီးစွာ ကိုယ်ပိုင်လုပ်ငန်းတစ်ခုလို စိတ်ကြိုက်ပြောင်းလဲခဲ့တဲ့ စီမံကိန်းတစ်ခုဖြစ်ပြီး အကျိုးပြုဆည်ရေ သောက်ဧကကလည်း ဧက ၁၂ဝဝဝ လား ဧက ၅ဝဝဝ လားဆိုတာ အခုထိ သဲကွဲစွာမသိရပါဘူး''ဟု ၎င်းက ပြောသည်။
ဘတ်ဂျက်စိစစ်ရာတွင် မဖြစ်မနေလိုက်နာအပ်သည့် စိစစ်ရေးသို့ပန်ကြားလွှာ နောက်ဆက်တွဲအမိန့်ကြော်ငြာစာတွင် နောက်ကြောင်းပြန် တောင်းခံလာသည့် မည်သည့်အသုံးစရိတ်မဆို ခွင့်မပြုရဆိုသော အချက်ကိုလည်း အလေးထားသင့်ကြောင်း ၎င်းက ဆက်လက်ပြောသည်။၂ဝ၁၆ -၂ဝ၁၇ တွင်လည်း ယခင်တောင်းခံခဲ့သည့် ကျပ် ၂၇၁ ဘီလီယံပြည့်မီရန်ကျန်ရှိသည့် ကျပ် ၂၃ ဘီလီယံကို ခွင့်ပြုထုတ်ပေးပြီးဖြစ်ကြောင်း၊ ယခုကိစ္စရပ်ကိုခွင့်ပြုပေးလိုက်ပါက အခြားဌာနများမှာလည်း အလားတူကိစ္စရပ်များရှိလာမည်ဆိုသည်ကိုလည်း ထည့်သွင်းစဉ်းစားရမှာဖြစ်ကြောင်း ၎င်းကပြောသည်။
တည်ဆဲဘဏ္ဍာရေးစည်း မျဉ်းစည်းကမ်းများအရ မမျှော်မှန်းနိုင်သည့် ကိစ္စရပ်များအတွက် ခွင့်ပြုရန်ပုံငွေ ထပ်မံလိုအပ်ပါ ရန်ပုံငွေလွှဲပြောင်းသုံးစွဲခြင်း၊ ဖြည့်စွက်ခွင့်ပြုငွေတောင်းခြင်း၊ အထွေထွေပိုလျှံရန်ပုံငွေမှကျခံခြင်း၊ အရေးပေါ်ရန်ပုံငွေကသုံးစွဲခြင်းနည်းလမ်းများရှိကြောင်း၊ ယခု ကိစ္စတွင်လုပ်ငန်းဆောင်ရွက်ပြီးလျှင် ပေးကိုပေးရမယ်ဆိုသည့် သဘောသက်ရောက်စေသည့်အတွက်ကြောင့်လည်းကောင်း၊ ဘဏ္ဍာရေးစည်းမျဉ်းစည်းကမ်းနှင့် မညီညွတ်မှန်းသိပါလျက်နှင့်လွှတ်တော်က ခွင့်ပြုကြမည်လားဆိုသည့်အချက်ကို ထည့်သွင်းစဉ်းစားရန် အချက်ကြောင့်လည်းကောင်း ပြည်ထောင်စုလွှတ်တော်ကိုယ်စားလှယ်များနှင့် ပြည်ထောင်စုလွှတ်တော်မှ ပြတ်ပြတ်သားသားငြင်း ပယ်သင့်ကြောင်း ၎င်းကပြောသည်။
ပုလဲမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်ကလည်း စီမံကိန်းအတွက် ရန်ပုံငွေခွင့်မပြုသင့် ကြောင်းတင်ပြပြောဆိုသည်။ ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီတွဲဖက်အတွင်းရေးမှူး ဒေါက်တာ မြတ်ဥာဏစိုးက ''ဒီလုပ်ငန်းစီမံကိန်းကြီးသည် ဆောင်ရွက်တာလည်း တော်တော်ခရီးရောက်နေပါပြီ ။ နောက်ပြီးတော့ စိစစ်ရေးအဖွဲ့ ဥပဒေကြမ်းပူးပေါင်းကော်မတီ ပြည်သူ့ငွေစာရင်းပူးပေါင်းကော်မတီတို့က သက်ဆိုင်ရာဝန်ကြီးဌာနနဲ့ အကြိမ်ကြိမ်ညှိနှိုင်းဆွေး နွေးတဲ့အခါမှာလည်း ဒီဘဏ္ဍာ ရန်ပုံငွေကို ခွင့်ပြုပေးမယ်ဆိုရင် မူလလျာထားချက်ထက် ပိုပြီးတိ ကျခိုင်မာတဲ့ ကိန်းဂဏန်းတွေဖြစ် အောင် အသေအချာစိစစ်ပြီးမှသာ ထပ်မံဆောင်ရွက်ပါ့မယ်ဆိုတဲ့ ကတိကဝတ်ကိုလည်း ရရှိပြီးဖြစ်ပါတယ်။ ဒါကြောင့် ဥပဒေကြမ်းပူး ပေါင်းကော်မတီအနေဖြင့် ပြည် ထောင်စုလွှတ်တော်က မူလအဆို ပြုချက်အတိုင်း ခွင့်ပြုပေးရန်တင်ပြပါတယ်'' ဟုပြောသည်။
စိုက်ပျိုးရေး မွေးမြုရေးနှင့်ဆည်မြောင်းဝန်ကြီးဌာန ဒုတိယဝန်ကြီးဦးလှကျော်ကလည်း ပြည် ထောင်စုလွှတ်တော်ဥပဒေကြမ်း ပူးပေါင်းကော်မတီ၏ ဆောင်ရွက်ဆဲ မြစ်သာရေလှောင်တမံ လုပ်ငန်းစီမံကိန်းတန်ဖိုးအား မူလအတိုင်းခွင့်ပြုပေးရန် တင်ပြချက်အဆိုကို လက်ခံသဘောတူ ကြောင်းပြောသည်။ ဆောင်ရွက်ဆဲ မြစ်သာရေ လှောင်တမံ လုပ်ငန်းစီမံကိန်း တန်ဖိုး ကျပ် ၁၄၃၇၁ သန်းကို မူလအတိုင်းခွင့်ပြုရန် ဥပဒေကြမ်း ပူးပေါင်းကော်မတီ၏ အဆိုပြု တင်ပြချက်ကို ဂန့်ဂေါမြို့နယ်မဲ ဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်နှင့် ပုလဲမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်တို့က ခွင့်မပြုရန်ငြင်းပယ်ခဲ့သည့်အတွက် လျှို့ဝှက်စက် ခလုပ်နှိပ် မဲပေးဆုံးဖြတ်ခဲ့ရာ ထောက်ခံမဲ ၂၈၂ မဲ ၊ ကန့်ကွက်မဲ ၂၇၁ မဲ နှင့် ကြားနေမဲ နှစ်မဲဖြစ်၍ ထောက်ခံဆန္ဒမဲများသည့်အတွက် ဆောင်ရွက်ဆဲ မြစ်သာရေလှောင် တမံလုပ်ငန်းစီမံကိန်းတန်ဖိုး ကျပ် ၁၄၃၇၁ သန်း မူလအတိုင်း ခွင့်ပြုရန် လွှတ်တော်ကအတည် ပြုဆုံးဖြတ်ခဲ့သည်။
NT, MO
#democracytoday
နေ့စဉ် အသစ်အသစ်သော သတင်းများ ကို သိရှိနိုင်ရန် လိုတရ Application အား ဤနေရာတွင် နှိပ်၍ အခမဲ့ Download ရယူပါ။