contents

သတင်းများ

စက်တင်ဘာလ ၅ ရက်နေ့အတွက် ၇ရက်သားသမီး ဗေဒင်

နေ့ရက်:
Sep 5, 2019 05:30:00


အမျိုးအစား :
ဗေဒင်
Lotayamm

                လိုတရရဲ့ ဗေဒင်ပရိသတ်ကြီးအတွက် ၇ရက်သားသမီး နေ့စဉ်ဟောစာတမ်းတွေကို ဖော်ပြပေးလျှက်ရှိပါတယ်။ အခုလည်း စက်တင်ဘာလ ၅ ရက်နေ့ ၇ရက်သားသမီးတွေအတွက်  ဆောင်ရန်၊ ရှောင်ရန် နဲ့ ဒီနေ့မှာ လုပ်ဆောင်သင့်တဲ့ ယတြာလေး တစ်ချို့ကို ဖော်ပြပေးလိုက်ပါတယ်။



တနင်္ဂနွေ - တနင်္ဂနွေသားသမီးတွေအနေနဲ့ အိမ်ခြံမြေကိစ္စ၊ အမွေကိစ္စအတွက် စကားများရကိန်းရှိပါတယ်။ လုပ်ငန်းပိုင်းဆိုင်ရာတွေမှာလည်း ဆုံးဖြတ်ချက်မှားတာမျိုးကြုံရနိုင်လို့ ဒီနေ့ရက်မှာ ဘယ်လိုဆုံးဖြတ်ချက်မျိုးကိုမှ ကြံစည်လုပ်ဆောင်ဖို့ မသင့်သေးပါဘူး။ ဒါ့အပြင် ငွေပေးငွေယူလက်လွန်တာတွေအတွက် အမှုအခင်း ဖြစ်ကိန်းရှိလို့ ဘယ်လိုငွေအပေးအယူမျိုးကိုမှ လုပ်ဆောင်ဖို့ မသင့်တဲ့ ကာလပါပဲ။ ဝန်ထမ်းဖြစ်ပါက ရာထူးတိုးကိန်းရှိသလို နေရာပြောင်းရွှေ့ရကိန်းလည်း ရှိနေပါတယ်။ အထက်လူကြီးရဲ့ မျက်နှာသာပေးမှုအပေါ် တစ်ခြားသူတွေက မနာလိုမရှုစိမ့် ချောက်တွန်းခြင်းကိုလည်း ခံရတတ်ပါတယ်။ အိမ်အလှဆင်ပစ္စည်းလုပ်ငန်း၊ ပရိဘောဂလုပ်ငန်းရှင်များ အထူးကောင်းမွန်နေပြီး အပေါင်ခံခြင်း၊ ငွေတိုးချေးခြင်း လုပ်ကိုင်သူတွေကတော့ အနည်းငယ်ညံ့နေပါတယ်။ ပညာရေးပိုင်းကတော့ ပုံမှန်ပဲရှိနေတဲ့ အချိန်ဖြစ်ပြီး အချစ်ရေး၊ အိမ်ထောင်ရေးသာယာနေမယ့် နေ့ဖြစ်ပါတယ်။ ကျန်းမာရေးအနေနဲ့ မတော်တဆထိခိုက်တတ်ပါတယ်။



နေ့ရက်အလိုက် ကံကောင်းသောအချိန်များ - တနင်္ဂနွေသားသမီးတွေအနေနဲ့ ဒီနေ့မှာ အရေးကြီးလုပ်ငန်းလုပ်ဆောင်စရာရှိတယ်ဆိုရင်တော့ မနက် ၇နာရီခွဲကနေ ၉နာရီအတွင်း လုပ်ဆောင်မယ်ဆိုရင် အရာရာအောင်မြင်နိုင်ပါလိမ့်မယ်။



ယတြာ - ဘုရားတွင် အုန်းထန်းလျက် ကပ်လှူပေးပါ။



 



တနင်္လာ - တနင်္လာနေ့မွေးတဲ့သူတွေအနေနဲ့ကတော့ လူမျိုးခြားနဲ့လုပ်ကိုင်တဲ့ ကိစ္စတွေမှာအထူးသတိထား လုပ်ဆောင်သင့်ပါတယ်။ အလုပ်အကိုင်သစ်ပြောင်းလဲဖို့ ဆုံးဖြတ်ထားသူတွေအနေနဲ့ ရှေ့တိုးလုပ်ဆောင်သင့်ပြီး လုပ်ငန်းသစ်မှာ ယခုထက်ပိုမိုအဆင်ပြေချောမွေ့ပါလိမ့်မယ်။ လုပ်ငန်းရှင်ဖြစ်ပါက လုပ်ငန်းသဘာဝမတူတဲ့ လုပ်ငန်းခွဲတွေ လုပ်ကိုင်ခွင့် ရရှိလာမှာဖြစ်ပြီး အဲဒီလုပ်ငန်းတွေကနေ အကျိုးအမြတ်များများ ရလာနိုင်မှာ ဖြစ်ပါတယ်။  ဒါပေမယ့် လုပ်ငန်းစပ်တူ လုပ်ကိုင်သူတွေအနေနဲ့ကတော့ လုပ်ငန်းထဲကငွေတွေ ပြန်ထုတ်ဖို့ တောင်းဆိုတာမျိုးကြုံပြီး လုပ်ငန်းခွင်မှာ ရှေ့ဆက်ဖို့ အခက်တွေ့တတ်ပါတယ်။ ကုမ္ပဏီဝန်ထမ်းဖြစ်ပါက အလုပ်ရှင်ရဲ့ အထင်အမြင်လွဲမှု ခံရတတ်ပြီး ရေထွက်ပစ္စည်းလုပ်ငန်း၊ ပန်းထိမ်လုပ်ငန်း၊ လယ်ယာစိုက်ပျိုးရေးလုပ်ကိုင်သူများ အထူးကောင်းမွန်နေပြီး အချစ်ရေး၊ အိမ်ထောင်ရေးကတော့ ပုံမှန်အနေအထားမှာရှိနေပါတယ်။ ဆေးဆိုင်လုပ်ငန်း၊ စားသောက်ကုန်လုပ်ငန်း လုပ်ကိုင်သူများ အနည်းငယ်ညံ့နေပါတယ်။ ပညာရေး၊ ကျန်းမာရေးပိုင်း အသင့်အတင့်ရှိနေပါတယ်။



နေ့ရက်အလိုက် ကံကောင်းသောအချိန်များ - တနင်္လာသားသမီးတွေအနေနဲ့ ဒီနေ့မှာ အရေးကြီးလုပ်ငန်းလုပ်ဆောင်စရာရှိတယ်ဆိုရင်တော့ နေ့လည် ၁၂နာရီကနေ ၁နာရီခွဲအတွင်း လုပ်ဆောင်မယ်ဆိုရင် အရာရာအောင်မြင်နိုင်ပါလိမ့်မယ်။



ယတြာ - ဘုရားတွင် ကြာပန်းကပ်လှူပေးပါ။



 



အင်္ဂါ - အင်္ဂါနေ့မွေးဖွားသူတွေအနေနဲ့ အခက်အခဲမှန်သမျှ ကျော်လွှားနိုင်မှာဖြစ်ပြီး အတွေးအမြင်သစ်များကနေ ထူးခြားတဲ့ ကံကောင်းမှုတွေ ရရှိခံစားရပါလိမ့်မယ်။ အချစ်ရေး၊ ပညာရေးကောင်းမွန်နေပြီး ပုံမှန်ထက်ငွေဝင်ခြင်း အဆင်ပြေခြင်းများ ကြုံတွေ့ရမယ့် နေ့ရက်တစ်ရက်ပါပဲ။ ကလေးနဲ့ ပတ်သက်တဲ့ ပစ္စည်းရောင်းဝယ်တာမျိုး၊ အထည်အလိပ်၊ ဆေးဝါး အရောင်းအဝယ် ပြုလုပ်တာမျိုးတွေအတွက် ကောင်းမွန်နေပြီး စားသောက်ကုန် လုပ်ငန်းရှင်များ၊ အမြတ်နည်းနေတတ်ပါတယ်။ အချစ်ရေးမှာ လတ်တလော သာယာနေတတ်ပြီး ချစ်သူမရှိသေးသူတွေတောင်မှ ချစ်သူ ရလာတတ်တဲ့ အချိန်ပါပဲ။ မိမိကို သောကြာ၊ ဗုဒ္ဓဟူး နာမည်ပါသူတွေက ချစ်ရေးဆိုခြင်း လက်ထပ်ယူခြင်းမျိုးအထိ ကြုံရနိုင်ပါတယ်။ အိမ်ထောင်သည်တွေအနေနဲ့ကတော့ အိမ်ထောင်ဖက်ရဲ့ လုပ်ငန်းအောင်မြင်ပြီး ငွေဝင်နေပါလိမ့်မယ်။ နိုင်ငံရပ်ခြားခရီးလည်း သွားရောက်ရကိန်းရှိပြီး ကျန်းမာရေးအနေနဲ့ အစာအိမ်ဒုက္ခပေးတတ်လို့ သတိပြုရပါမယ်။



နေ့ရက်အလိုက် ကံကောင်းသောအချိန်များ - အင်္ဂါသားသမီးတွေအနေနဲ့ ဒီနေ့မှာ အရေးကြီးလုပ်ငန်းလုပ်ဆောင်စရာရှိတယ်ဆိုရင်တော့ မနက် ၆နာရီကနေ ၇နာရီခွဲအတွင်း နဲ့ ညနေ ၄နာရီခွဲကနေ ၆နာရီအတွင်း လုပ်ဆောင်မယ်ဆိုရင် အရာရာအောင်မြင်နိုင်ပါလိမ့်မယ်။



ယတြာ - စာကလေးအိမ်ချိတ်ဆွဲပေးပါ။



 



ဗုဒ္ဓဟူး - ဗုဒ္ဓဟူးသားသမီးတွေအတွက် ရုတ်တရက်ငွေဝင်ကိန်းမျိုး ရှိပြီး ချက်ချင်းဆုံးဖြတ်လုပ်ဆောင်လိုက်တဲ့ ကိစ္စမျိုးတွေမှာ အထူးအောင်မြင်ပါလိမ့်မယ်။ လက်ရှိအလုပ်ထက် ပိုကောင်းတဲ့ လုပ်ငန်းခွင်မျိုးကနေ ကမ်းလှမ်းလာတာမျိုး ကြုံရတတ်လို့ ကိုယ့်ဘက်က ဘယ်လိုဆုံးဖြတ်မယ်ဆိုတာကို မှန်မှန်ကန်ကန်ေ၇ွးချယ်နိုင်ဖို့ အသင့်ပြင်ထားသင့်ပါတယ်။ လုပ်ငန်းရှင်တွေအနေနဲ့ အလှပြင်ဆိုင်လုပ်ငန်း၊ စားသောက်ကုန်လုပ်ငန်းရှင်များ ကောင်းမွန်နေပါတယ်။ သူတပါးကိစ္စ ကြားဝင်ဆောင်ရွက်ပေးရကိန်းရှိနေပြီး အချစ်ရေးမှာလည်း မြားနတ်မောင် လုပ်ပေးရကိန်း ရှိနေပါတယ်။ အိမ်တွင်းရေး၊ အိမ်ထောင်ရေး သာယာနေပြီး ချစ်သူမရှိသေးသူများ အားကိုးရလောက်တဲ့ ချစ်သူရလာတတ်ပါတယ်။ ပညာရေးပိုင်းကောင်းမွန်နေပြီး ဖြေဆိုထားသမျှ စာမေးပွဲတိုင်း ထူးထူးချွန်ချွန်အောင်မြင်ကိန်း ရှိနေပါတယ်။ ကျန်းမာရေးအနေနဲ့ အရိုးအဆစ်ရောဂါ၊ ဂေါက်ရောဂါများ သတိပြုပါ။



နေ့ရက်အလိုက် ကံကောင်းသောအချိန်များ - ဗုဒ္ဓဟူးသားသမီးတွေအနေနဲ့ ဒီနေ့မှာ အရေးကြီးလုပ်ငန်းလုပ်ဆောင်စရာရှိတယ်ဆိုရင် မနက် ၁၀ နာရီခွဲကနေ ၁၂နာရီအတွင်း လုပ်ဆောင်ပြီး အောင်မြင်မှု ရယူနိုင်ပါတယ်။



ယတြာ - ဘုရားတွင်ရွှေရင်အေးလှူဒါန်းပေးပါ။



 



ရာဟု - ရာဟုသားသမီးတွေကတော့ လုပ်ငန်းတိုးချဲ့မှုတွေကိုသတိထားလုပ်ဆောင်သင့်ပါတယ်။ အိမ်နေရာထိုင်ခင်းအပြောင်းအရွှေ့တွေမှာလည်းအပျောက်အရှရှိတတ်လို့ သတိပြုသင့်ပါတယ်။ သူခိုးခိုးခံရကိန်းရှိပြီး လမ်းသွားတဲ့အခါ မိမိပိုင်တဲ့ ဖုန်း ၊ ပိုက်ဆံအိတ် သတိထားကိုင်ဆောင်သင့်ပါတယ်။  အိမ်ကိုကိုယ်ဝန်ဆောင်ရောက်လာရင် အိမ်ရှိလူရန်ဖြစ်ပြီးအိမ်ပေါ်ကဆင်းသွားတတ်လို့ သတိထားသင့်တဲ့ အချိန်ပါ။ ဝန်ထမ်းဖြစ်ပါကရာထူးချခံရကိန်း၊ မတရားစွပ်စွဲခံရကိန်းရှိနေပြီး လုပ်ငန်းပိုင်ရှင်တွေအနေနဲ့ ကိုယ်ပိုင်တစ်ဦးတည်းလုပ်ကိုင်သင့်တဲ့ အချိန်ဖြစ်ပါတယ်။ ဒီအချိန်မှာ စပ်တူရှယ်ယာထည့်ဝင်မိပါကဆုံးတတ်ပါတယ်။ ပညာရေးကောင်းမွန်နေပြီး အချစ်ရေးမှာတော့ လိမ်ညာလှည့်ဖျားမယ့်သူနဲ့ ဆုံရတတ်ပါတယ်။ အိမ်ထောင်သည်တွေအနေနဲ့ သားသမီး မရှိသေးသူများ သားသမီး ရတနာ တိုးပွားတတ်ပါတယ်။ အကျိုးဆောင်လုပ်ငန်း၊ အိမ်ခြံမြေလုပ်ငန်းရှင်များ ကောင်းမွန်နေပြီး ကျန်းမာရေးအနေနဲ့ အသည်းရောဂါသတိပြုပါ။



နေ့ရက်အလိုက် ကံကောင်းသောအချိန်များ - ရာဟု သားသမီးတွေအနေနဲ့ ဒီနေ့မှာ အရေးကြီးလုပ်ငန်းလုပ်ဆောင်စရာရှိတယ်ဆိုရင်တော့ မနက် ၁၀ နာရီခွဲကနေ ၁၂နာရီအတွင်း ပြုလုပ်ပြီး အောင်မြင်နိုင်မှာဖြစ်ပါတယ်။



ယတြာ - ဘုရားတွင်လက်ဖက်အသားကပ်လှူပေးပါ။



 



ကြာသပတေး - ကြာသပတေးသားသမီးတွေအနေနဲ့ ခရီးသွားရကိန်းရှိပြီးလူမျိုးခြားနဲ့ ပတ်သက်ပြီးကောင်းကျိုးရရှိနိုင်ပါတယ်။ သင်တန်းတက်ဖို့ စီစဉ်ထားတာရှိရင် အဆင်ပြေတိုးတက်မယ့် ကာလပါပဲ။ နိုင်ငံခြားခရီးလည်းသွားရကိန်းရှိပြီး ဒီခရီးကနေပိုမိုတိုးတက်တဲ့လုပ်ငန်းခွင်နဲ့ ဘ၀ကို ရရှိလာဖို့ တက်လမ်းပါပဲ။ လုပ်ငန်းစပ်တူလုပ်ကိုင်မှုတွေကနေ အကျိုးအမြတ်ရရှိလာပါလိမ့်မယ်။ အိမ်နေရာထိုင်ခင်း အသစ်ဝင်ကိန်းရှိပြီး အိမ်ကိုသောကြာသားသမီးတစ်ဦး ရောက်လာရင် ထီထိုးပေးပါ။ ရေသန့်လုပ်ငန်း၊ ရွှေလုပ်ငန်းရှင်များ အထူးကောင်းမွန်နေပြီး အလှပြင်လုပ်ငန်းလုပ်ကိုင်သူများ၊ အလှကုန်ဖြန့်ချိသူများ အနည်းငယ်ညံ့နေပါတယ်။ အချစ်ရေးမှာ ချစ်သူနဲ့ စိတ်ကောက်နေရတတ်ပြီး အိမ်ထောင်သည်တွေကတော့ ခင်ပွန်းသည်အပေါ် စိတ်မချရတဲ့ အချိန်ပါပဲ။ ပျိုရွယ်သူတွေအနေနဲ့ ပညာရေးကို စိတ်မဝင်စားပဲ အချစ်ရေးကို ဦးစားပေးတတ်ကြလို့ စာမေးပွဲဖြေဆိုမှုမှာ ထိခိုက်တတ်ပါတယ်။ ကျန်းမာရေးပိုင်းမှာတော့ ခေါင်းမူးခေါင်းကိုက်ဖြစ်နိုင်ပါတယ်။



နေ့ရက်အလိုက် ကံကောင်းသောအချိန်များ - ကြာသပတေး သားသမီးတွေအနေနဲ့ ဒီနေ့မှာ အရေးကြီးလုပ်ငန်းလုပ်ဆောင်စရာရှိတယ်ဆိုရင်တော့ နေ့လည် ၃နာရီကနေ ၄နာရီခွဲအတွင်း လုပ်ဆောင်ရမှာဖြစ်ပါတယ်။



ယတြာ - ဘုရားတွင် ပူရီကပ်လှူပေးပါ။



 



သောကြာ - ဒီနေ့ကနေစပြီး အရင်ဖြစ်ပျက်ခဲ့တဲ့ ဒုက္ခနဲ့ ကိစ္စအားလုံး ချုပ်ငြိမ်းသွားပြီလို့ ဆိုနိုင်ပြီး လုပ်ငန်း စီးပွားကအစ အကောင်းဘက်ကိုရောက်ရှိပြီလို့ ပြောနိုင်ပါတယ်။ ငွေကြေးကံကောင်းနေပြီး လုပ်ငန်းရှင်တွေအနေနဲ့ ဆိုရင်လည်း လုပ်ငန်းသစ်တွေ တိုးချဲ့ရနိုင်ပါတယ်။ ပညာရေးဝန်ဆောင်မှုလုပ်ငန်း၊ ရွှေဆိုင်လုပ်ငန်း၊ အထည်အလိပ်လုပ်ငန်းရှင်များ အထူးကောင်းမွန်နေပြီး ကားအရောင်းအဝယ်လုပ်ငန်း၊ အိမ်အရောင်းအဝယ်လုပ်ငန်း လုပ်ကိုင်သူတွေကတော့ အနည်းငယ်ညံ့နေပါတယ်။ ဝန်ထမ်းဖြစ်ပါက အထက်လူကြီးရဲ့ လူယုံအဖြစ် နေရာပေးခြင်း ခံရတတ်ပြီး အစိုးရဝန်ထမ်းတွေကတော့ ရာထူးတိုးတတ်ပါတယ်။ အချစ်ရေးမှာ ချစ်သူကို မိဘတွေက သဘောမကျလို့ အနည်းငယ် စိတ်ညစ်ရတတ်ပါတယ်။ အိမ်ထောင်သည်တွေအနေနဲ့ အိမ်ထောင်ဖက် ကျန်းမာရေးကြောင့် ငွေကုန်ကြေးကျ များတတ်တဲ့ အချိန်ပါပဲ။  ကျန်းမာရေးအနေနဲ့ အစာအဆိပ်သင့်တတ်လို့ သတိပြုပါ။



နေ့ရက်အလိုက် ကံကောင်းသောအချိန်များ - သောကြာ သားသမီးတွေအနေနဲ့ ဒီနေ့မှာ အရေးကြီးလုပ်ငန်း လုပ်ဆောင်စရာရှိတယ်ဆိုရင်တော့ မနက် ၉နာရီကနေ ၁၀နာရီခွဲအတွင်း လုပ်ဆောင်သင့်ပါတယ်။



ယတြာ - ဘုရားတွင် သကြားပလာတာ ကပ်လှူပေးပါ။



 



စနေ - ဆုံးဖြတ်ချက်မှားတာမျိုးကြုံရနိုင်လို့ ဒီနေ့ရက်မှာ ဘယ်လိုဆုံးဖြတ်ချက်မျိုးကိုမှ ကြံစည်လုပ်ဆောင်ဖို့ မသင့်သေးပါဘူး။ ငွေပေးငွေယူလက်မလွန်ပါစေနှင့်၊ အမှုအခင်းဖြစ်ကိန်းရှိပါတယ်။ နိုင်ငံခြားခရီးသွားရကိန်းရှိပြီး အိမ်ခြံမြေကိစ္စ အမွေကိစ္စနဲ့ စကားများတာမျိုးလည်း ဖြစ်နိုင်ပါတယ်။ စက်ကိရိယာ ရောင်းဝယ်ခြင်းလုပ်ငန်း၊ ကားအပိုပစ္စည်းရောင်းဝယ်ခြင်း၊ ယာဉ်၊ ဆန်စက်လုပ်ငန်းရှင်များ ကောင်းမွန်နေပြီး စပ်တူလုပ်ငန်း လုပ်ကိုင်သူတွေအနေနဲ့ကတော့ သတိထားလုပ်ဆောင်သင့်ပါတယ်။  လုပ်ငန်းတူချင်း နောက်ကျောဓါးနဲ့ထိုးတာမျိုးလည်း ကြုံရနိုင်ပြီး လုပ်ငန်းရှင်များအနေနဲ့ လက်အောက်ငယ်သား သစ္စာဖောက်တတ်ပါတယ်။ နေအိမ်နေရာထိုင်ခင်း အပြောင်းအရွှေ့ရှိနေတာကြောင့် အိမ်မပြောင်းချင်သူတွေအနေနဲ့ အိမ်ရှိ ပရိဘောဂပစ္စည်းတွေကို နေရာရွှေ့ပေးလိုက်ပါ။ အချစ်ရေးမှာ ချစ်သူမရှိသေးသူတွေ ချစ်သူရလာနိုင်ပြီး အိမ်ထောင်ရှင်တွေကတော့ အိမ်တွင်းရေး သာယာနေပါတယ်။ ကျန်းမာရေးအနေနဲ့ ကျီးပေါင်းရောဂါ သတိပြုပါ။



နေ့ရက်အလိုက် ကံကောင်းသောအချိန်များ - စနေ သားသမီးတွေအနေနဲ့ ဒီနေ့မှာ အရေးကြီးလုပ်ငန်း လုပ်ဆောင်စရာရှိတယ်ဆိုရင်တော့ နေ့လည် ၁နာရီခွဲကနေ ၃နာရီအတွင်း လုပ်ဆောင်ပြီး အောင်မြင်နိုင်မှာဖြစ်ပါတယ်။



ယတြာ - ဘုရားတွင် ထန်းသီးမုန့် ကပ်လှူပေးပါ။



 



ဗေဒင် ဟောစာတမ်း အမျိုးမျိုးကို "ဘေလ်မကုန် ၊ ၀န်ဆောင်ခပေးစရာမလို ၊ အင်တာနက်ဘေလ် လုံးဝ မကုန်ဘဲ " နေ့စဉ် ဖတ်ရှုဖို့ လိုတရ အယ်လီကေးရှင်းကို ဒီလင့်ခ် ကနေနှိပ်ပြီး (အခမဲ့) ဒေါင်းလုဒ် ဆွဲထားဖို့လိုတယ်နော်။


နေ့စဉ် အသစ်အသစ်သော သတင်းများ ကို သိရှိနိုင်ရန် လိုတရ Application အား ဤနေရာတွင် နှိပ်၍ အခမဲ့ Download ရယူပါ။