Lotayamm

search
မာတိကာ

contents

သတင်းများ

ဒီချုပ်ဥက္ကဋ္ဌဟောင်း ဦးအောင်ရွှေ လူကြီးရောဂါဖြင့် ဆေးကုသမှု ခံယူနေ

နေ့ရက်:
Aug 13, 2017
7daydaily
အမျိုးသားဒီမိုကရေစီအ ဖွဲ့ချုပ် (NLD) ဥက္ကဋ္ဌဟောင်း အ သက် (၉၉) နှစ်အရွယ်ရှိ ဦးအောင်ရွှေသည် ရန်ကုန်မြို့ရှိ ဝိတိုရိယ ဆေးရုံတွင် လူကြီးရောဂါဖြင့် ဆေးကုသမှု ခံယူနေကြောင်း NLD ပါတီ တာဝန်ရှိသူများက ပြော ကြားသည်။




ဆေးကုသမှု ခံယူသည့် ဦး အောင်ရွှေထံသို့ သြဂုတ် ၁၂ ရက် တွင် ဒုတိယသမ္မတဦးဟင်နရီဗန် ထီးယူနှင့် ပြည်သူ့လွှတ်တော်ဥက္က ဋ္ဌ ဦးဝင်းမြင့်တို့ လာရောက်ကြည့် ရှုခဲ့ကြောင်း မရမ်းကုန်းမြို့နယ် ပြည်သူ့လွှတ်တော် ကိုယ်စား လှယ် ဒေါက်တာမေဝင်းမြင့်၏ ဖေ့စ်ဘွတ်ခ်တွင် ဖော်ပြသည်။

မရမ်းကုန်းမြို့နယ် တိုင်းဒေ သကြီး လွှတ်တော်ကိုယ်စားလှယ် ဦးရန်ရှင်းက ‘‘သူက အသက်ကြီး လာတော့ လူကြီးရောဂါပေါ့။ နေ့ ခင်းပိုင်းအထိ သတိရပါတယ်။ ဆေးရုံတက်တာက မနေ့ညကမှ ပါ’’ ဟု ပြောသည်။ 

ဦးအောင်ရွှေအနေဖြင့် လက်ရှိတွင် ပါတီတာဝန်များ ရယူထား ခြင်းမရှိသော်လည်း ၁၉၉၀ နောက် ပိုင်းမှ ၂၀၁၁ မတိုင်မီအထိ NLD ပါတီရပ်တည်ရှင်သန်နိုင်ရေး ဦး ဆောင်ခဲ့သူ ဖြစ်သည်ဟု လှိုင်မြို့ နယ် ပြည်သူ့လွှတ်တော်ကိုယ်စား လှယ် ဦးအောင်ကျော်ကျော်ဦးက ပြောသည်။

‘‘ဒေါ်အောင်ဆန်းစုကြည်တို့၊ ဦးတင်ဦးတို့ အကျယ်ချုပ်ကျခံနေရတဲ့အချိန် ပါတီကိုသူဦးဆောင်တာပေါ့။ ပထမဒေါ်အောင်ဆန်းစု ကြည်တို့၊ ဦးတင်ဦးတို့ အဖမ်းခံရ တော့ ဦးကြည်မောင်က ၉၀ ရွေး ကောက်ပွဲကို တာဝန်ယူလုပ် တယ်။ ရွေးကောက်ပွဲပြီးတော့၊ ကန္ဒီကြညာချက်ပြီးတော့ ဦးကြည် မောင်လည်း အဖမ်းခံရတယ်။ အဲ ဒီအချိန်က နဝတက အပြင်းအ ထန် ဖိနှိပ်တဲ့အချိန်ပေါ့။ အဲဒီအ ချိန်မှာ သူကပါတီဆက်လက်ရှင် သန်ရေးအတွက် ထိန်းကျောင်းခဲ့ တာ’’ ဟု ၎င်းကပြောသည်။

ဦးအောင်ရွှေသည် ပါတီတာ ဝန်မထမ်းဆောင်မီယခင် တော်လှန်ရေးကောင်စီတွင် ပါဝင်ခဲ့ကြောင်း ဦးအောင်ကျော်ကျော်ဦး က ပြောသည်။

အမျိုးသားဒီမိုကရေစီအဖွဲ့ ချုပ် စတင်ဖွဲ့စည်းချိန်ကတည်းက  ဦးအောင်ရွှေသည် ဗဟိုအလုပ်အ မှုဆောင်အဖွဲ့ဝင်အဖြစ် ပါဝင်ခဲ့ ပြီး စည်းရုံးရေး ဌာနမှူးဖြစ်သည်။ ၂၀၁၀ ဇန်န၀ါရီ ၁၄ ရက်တွင် ပါတီဗဟိုအလုပ်အမှုဆောင်အ ဖွဲ့ကို ပြန်လည်တိုးချဲ့ ဖွဲ့စည်းခဲ့ ရာ ဦးအောင်ရွှေက ဥက္ကဋ္ဌဖြစ်လာ ခဲ့သည်။

NLD ပါတီ နာယက တစ်ဦးဖြစ်သူ အသက် (၉၁) နှစ်အရွယ် ဦးတင်ဦးသည်လည်း ဦးနှောက်သွေးကြောပိတ်ကာ ကိုယ်တစ်ခြမ်းလေဖြတ်ခဲ့၍ လက်ရှိအချိန်ထိ ရန်ကုန်ပြည်သူ့ဆေးရုံကြီး၌ ဆေးကုသမှု ခံယူလျက်ရှိသည်။
ORIGINAL ARTICLE