Lotayamm

search
မာတိကာ

contents

သတင်းများ

အခြေခံဥပဒေ ပြန်လည် ပြင်ဆင်ရန် ထိုင်းဘုရင် အမိန့်ပေး

နေ့ရက်:
Jan 11, 2017
yangonmedia
ဖွဲ့စည်းပုံ အခြေခံဥပဒေမူကြမ်းကို လက်မှတ်ရေးထိုး အတည်ပြုပေးရန် ဘုရင်မင်းမြတ်က ငြင်းဆန်ခဲ့ကြောင်း၊ ဘုရင့်အာဏာနှင့်ပတ်သက်သော ပြဋ္ဌာန်းချက်သုံးလေးခုကို ပြန်လည်သုံးသပ်ပြင်ဆင်ပေးရန် အစိုးရ အဖွဲ့ကို တောင်းဆိုထားကြောင်း ဝန်ကြီးချုပ်ချန်အိုချာက သတင်းထောက်များကို ပြောသည်။ အောက်တိုဘာလတွင် ခမည်းတော်ကြီး ဘူမိဘောအဒူလျာဒက် နတ်ရွာစံသွားသောကြောင့် သက်တော် (၆၄) နှစ်အရွယ် မဟာဝဇီရာ လောင်ကွန်းသည် ထိုင်းနိုင်ငံ၏ ထီးနန်းကိုဆက်ခံခဲ့သည်။ ထိုင်းဘုရင်သည် အာဏာအကန့်အသတ်သာ ရရှိထားသော်လည်း နိုင်ငံရေးတွင် နောက်ကွယ်မှ သြဇာညောင်းသူဖြစ်ပြီး မြောက်မြားသော စီးပွားရေးလုပ်ငန်းများကိုလည်း ပိုင်ဆိုင်ထားသည်။
ထိုင်းစစ်ခေါင်းဆောင်ပရာ ယွတ်ချန်အိုချာသည် ၂ဝ၁၄ ခုနှစ်တွင် အာဏာသိမ်းကာ ဝန်ကြီးချုပ် ဖြစ်လာခဲ့သည်။ ဖွဲ့စည်းပုံအခြေခံ ဥပဒေကိုလည်း သူ့စိတ်ကြိုက်ပြင် ဆင်ရေးဆွဲခဲ့ပြီး အငြင်းပွားဖွယ်ရာ လူထုဆန္ဒခံယူ ပွဲနှင့် အတည်ပြုစေခဲ့သည်။ သို့သော် ဘုရင်မင်းမြတ်က လက်မှတ်ရေးထိုးမပေးသေးသဖြင့် အခြေခံဥပဒေသည် တရားဝင်ဖြစ်မလာသေးပါ။ လမ်းပြမြေပုံနှင့်အညီ ၂ဝ၁၇ ခုနှစ်ထဲတွင် ရွေးကောက်ပွဲကျင်း ပ ပေးမည် ဟု ထိုင်းစစ်တပ်က ကတိ ပေးထားသည်။ သို့သော် ဘုရင်မင်း မြတ်က ပြန်လည်ပြင်ဆင်ရေးဆွဲရန် အမိန့်ပေးလိုက်ပြီဖြစ်ရာ ရွေးကောက် ပွဲနှောင့်နှေးရဖွယ်ရှိသည်။
Ref; AFP
#democracytoday
ORIGINAL ARTICLE